5:19 AM
zarni
ဆန္ဒပြပွဲမလုပ်ပဲမြန်မာ့အရေးပြောင်းလဲနိုင်သူရှေ့ထွက်ခဲ့ပါ။
၁၉၈၈မတ်လရန်ကုန်မြို့ထဲမှာကိုမိုးသီးဦးဆောင်ပြီးနောင်တချိန်၈၈အရေးတော်ပုံ
ဖြစ်လာအောင်အရှိန်မြင့်တဲ့လုပ်ငန်းတွေတကယ်လုပ်ခဲ့တာကိုယ်တွေ့ပါ။သူ့ဦးဆောင်မှုအောက်မှာလုပ်ခဲ့တာတွေလည်းရှိပါတယ်။ကားတစီးမီးတင်ရှို့ဆိုတာလည်းတကယ်တော့သပိတ်တိုက်ပွဲကြီးစတော့လို့ဝင်္ကဝုတ္တိအလကာင်္နဲ့တိုက်ပွဲခေါ်လိုက်တဲ့အသံဖြစ်တယ်။ပြည်တွင်းမှာရှိစဉ်
၁၉၈၈မတ်လမှာကုန်တိုက်ပါမီးရှို့ခဲ့တာအားလုံးအသိပါ၊မျက်ကွယ်မှာထောင်ဒဏ်တသက်လည်းချမှတ်ခံထားရသူပါ။အထဲကိုပြန်မရလို့အပြင်ကနေမျိုးဆက်သစ်ကျောင်းသားတွေကိုလမ်းညွန်မှုပေးတာလည်း လက္ခံရမဲ့အချိန်ပါ။ဧရာဝတီသောကြာစကားဝိုင်းကကိုမိုးသီးသည်စိတ်ခံစားမှုလွယ်ကူသူဟုတင်ပြချက်ကိုလည်းပြန်လည်သုံးသပ်စေချင်ပါသည်။မြန်မာ့အရေးကိုသတိရမှတခါထလုပ်သူလည်းမဟုတ်ပါ။ဒီအချိန်တွင် ဒါမျိုးပြောပြီးဒါမျိုးလုပ်ရမည်ဟုလည်းနားလည်သူတဦးဖြစ်သည်။သူ့ကိုဝေဖန်တာအပြစ်တင်တာကိုမကန့်ကွက်ပေမဲ့သူလောက်လုပ်ခဲ့၊လုပ်နေ၊လုပ်အုန်းမှာလားဆိုတာတော့ပြန်မေးပါရစေ။၁၉၈၈မှာ၈၈မျိုးဆက်တွေကိုယ့်အစီအစဉ်နဲ့ကိုယ်လုပ်ခဲ့တယ်။မိဘလုပ်စာစားပြီးဒို့အရေးထအော်တာအဖေကတောင်တံဆိပ်တုံးဖိုးထုတ်ပေးခဲ့သေးတယ်။လမ်းပေါ်ထွက်ဆန္ဒပြဖို့ဘယ်ပြည်ပအကူအညီမှမလိုပါဖူး။ ကိုယ်တိုင်လုပ်ဖူးခဲ့တဲ့သူတွေသိပါတယ်။ဒီအချိန်ဟာတကယ်အချိန်ကောင်းဖြစ်သည်။ပြည်ပမှအာရုံစိုက်နေချိန်၊ လုံခြုံရေးကောင်စီမှာရုရှားကတောင်စိုးရိမ်လာနေရပါပြီ၊တရုတ်ကလည်းပြောသလို၊ အဆင်ပြေအောင်ပဲနေလေ့ရှိတဲ့ထိုင်းကလည်းပြောနေပါပြီ။(ကျောင်းသားနဲ့နိုင်ငံရေးသမားတွေပြန်လွှတ်ပေး၊တွေ့ဆုံဆွေးနွေးအဖြေရှာရေး)ခေါင်းစဉ်နဲ့အထွေထွေသပိတ်တခုလုပ်နိုင်ခဲ့မယ်ဆိုရင်၊အတိုင်းထက်အလွန်ပါပဲ၊သူများကိုမဝေဖန်ပဲကိုယ်ဘာလုပ်ပေး(နေ၊နိုင်)လည်းဆိုတာကအရေးကြီးတယ်။ပြည့်တဲ့အိုးဟာဘယ်တော့မှလှုပ်လေ့မရှိသလို အကောင်းမြင်တတ်အောင်ပဲကြိုးစားလေ့ရှိကြတယ်။ကျွန်တော်တို့ကိုဘုန်းမော်အရေးအခင်းနောက်ပိုင်း၅ယောက်ထက်မပိုတဲ့အစုအဖွဲ့လေးတွေ ကိုယ်ကျွမ်းကျင်တဲ့နယ်မြေမှာမိမိအစီအစဉ်နဲ့လှုပ်ရှားခဲ့တယ်၊ကိုမင်းကိုနိုင်တို့ကိုမိုးသီးတို့ရေးတဲ့စာတွေလည်းဝေခဲ့ကြတယ်၊အဖမ်းခံရလည်းပြန်ထွက်လာ၊ဆက်လုပ်တာပဲ။နောက်ဆုံး၈၈၈၈မှာအိမ်မက်တွေအကောင်အထည်ပေါ်ခဲ့တယ်။လူအုပ်ကြီးကြည့်ပြီးမျက်ရည်တောင်လည်ခဲ့ရတယ်၊အင်းစိန်ဈေးရှေ့ဟာ၈၈၈၈အောင်မြေနင်းတဲ့နေရာတခုဖြစ်ခဲ့တယ်။သပိတ်ကိုစခဲ့တာ၈တန်းနဲ့၁ဝတန်းတွေချည်းပဲအကြီးဆုံးဆိုလို့အသက်၁၈နှစ်ပဲရှိသေးတဲ့ကျွန်တော်တယောက်ပဲပါတယ်။ ဘယ်သူ့ပံ့ပိုးမှုမှစောင့်ခဲ့တာရခဲ့တာမရှိဖူး၊ကျောင်းသားတာဝန်ကျောင်းသားထမ်းခဲ့တာ၊(သမ္မဂ္ဂရရှိရေး)ဒါပဲစအော်ခဲ့ကြတာ၊နောက်ပိုင်းမှဒီမိုတွေကရေစီတွေပါလာတာ၊တာဝန်ဆိုတာမျိုးဆက်အလိုက်လက်ဆင့်ကမ်းယူရတယ်။စကားကပ်ပြောမနေပဲလက်တွေ့အလုပ်လုပ်ကြပါလို့ပဲတိုက်တွန်းချင်ပါတယ်။မှတ်သားစရာဒေါ်အောင်ဆန်းစုကြည်သည်ဘယ်တုန်းကမှရုံးခန်းထဲမှာထိုင်မနေခဲ့သလိုကိုမင်းကိုနိုင်ဟာလည်းအိမ်ထဲမှာအောင်းမနေခဲ့ပါဖူး။ကျောင်းသားခေါင်းဆောင်ပြည်တွင်းမှာမင်းကိုနိုင်ရှိတယ်။ပြည်ပမှာမိုးသီးဇွန်ရှိတယ်။ဦးဆောင်မှု..ပေးခဲ့..ပေးဆဲ..ပေးနေတုန်းပဲ။
0 comments:
Post a Comment